Facebook Like Button

So si o Antiziganismo

O Antiziganismo - na kade sar o anti-Semitismo - gelas maj dur thaj eksistujl dzi ages. Eksistujl pe sa le nivelura le societateake thaj a nda kodo si konsiderime absolutno normalno.
O Prof. Dr. Wilhelm Solms membro ando Dzanglimasko KOnsilo katar o EZAF katar o I. INternacionalno KOnferencija pala Antiziganismo.

O Antiziganismo si jekh rig anda o kulturalno barvalipe e Europakom bareardo de shela bershenge katar e dar katar o Osmano Thagaripe (savo sas dzi ando 1919to bersh) thaj katar e "kale Turkura". Le Roma thaj le Sintura trajn ande jekh Europako societeto savo chi dikhel len sar mansuha, ale dikhel len feri sar "Tiganura".
Kado dikhipe si o bazichno problemo katar o Antiziganismo - sikavel o identiteto thaj le akcije le Romenge thaj le Sintonge karing le gadze bi te inkere pes konto katar lengo aktualno trajmasko realiteto. Kodo ke dikhen le Romen sar nomadichno Tiganura si jekh lasho eksamplo katar e ignoracija le chachimaski: 95% andar e Roma thaj Sintura trajn ande apartamentura vaj kolibe ande Est Europake thema. E migracijake mishkimata le Romenge si feri zumavimata te nashen, zumavimata te hastran katar e persekucijake thaj violento konfliktura anda jekh regiono. Le manusha nashen kana hakijaren e dar. Kado modelo nashimasko - savo si greshime dikhlo sar "Nomadizacija" - si les leski rig ando trajmos le Romengo thaj le Sintongo.
O Antiziganismo shaj te arakhel pes ande sa le klase katar e Europake gadzikane societerura - barvale thaj vi chorore.
Marko D. Knudsen Angluno Sherutno - EZAF